Білім беру ұйымдарында қамқоршылық жұмысын ұйымдастыру

№67 негізгі  орта мектебінде «Білім беру ұйымдарында қамқоршылық жұмысын ұйымдастыру және оны сайлау» тақырыбында ата-аналар жиналысы өтті.

Жиналыс барысында қамқоршылық кеңесінің қызметін ұйымдастырудың негізгі мақсат-міндеттері түсіндіріліп, оның білім беру үдерісіндегі маңызы талқыланды. Қатысушылар қамқоршылық кеңесінің мектептің дамуындағы рөлі, оқу-тәрбие жұмысына қолдау көрсету, материалдық-техникалық базаны нығайтудағы ықпалы туралы ақпарат алды.

Ата-аналар жиналысында қамқоршылық кеңесінің жаңа мүшелері ашық дауыс беру арқылы сайланды. Кеңес құрамына ата-аналар, ұстаздар, сондай-ақ мектептің дамуына мүдделі қоғам өкілдері  ұсынылды.