Жазғы лагерьдің бесінші күні спорттық көңіл-күймен өтті

Шымкент қаласының білім басқармасына қарасты №67 негізгі  орта білім беретін мектебінде жазғы лагерьдің бесінші  күні спорттық көңіл-күймен өтті.

Бұл күні лагерьге қатысушы оқушылар үшін арнайы спорттық ойындар мен дене шынықтыру жаттығулары ұйымдастырылды. Балалар таза ауада түрлі эстафеталық жарыстарға, қозғалмалы ойындарға белсене қатысып, ұйымшылдық пен шапшаңдықтарын көрсетті. Ұлдар мен қыздар доппен ойындар, секіртпемен жарысу, арқан тарту, «Кім жылдам?» сияқты қызықты жарыстарда бақ сынады.

Спорттық шаралардың басты мақсаты – оқушылардың денсаулығын нығайту, қозғалыс белсенділігін арттыру, салауатты өмір салтын насихаттау және командалық жұмыс дағдыларын дамыту болды. Балалар арасында достық қарым-қатынас орнап, бір-біріне қолдау көрсетіп, жарыс нәтижесіне қарамастан бір-бірін ынталандырып отырды.

Шара соңында белсенділік танытқан оқушыларға мақтау сөздер айтылып, шағын марапаттар табысталды. Күннің шырайлы әрі пайдалы өткеніне балалар мен ата-аналар дән риза болды.

Жазғы лагерьдің әр күні осылай балалар үшін мазмұнды, тәрбиелік мәні зор және көңілді өтіп жатыр. Алдағы күндері де түрлі танымдық, мәдени және шығармашылық іс-шаралар жоспарланған.