ПРЕЗИДЕНТТІК ШЫРША: «ҚОШ КЕЛДІҢ, ЖАҢА ЖЫЛ!»

 Бүгін, Шымкентте «Қош келдің, Жаңа жыл!» атты Президенттік жаңажылдық шырша мерекесі өтті. Мерекелік кешке балалар үйлерінің тәрбиеленушілері, ерекше қамқорлықты қажет ететін балдырғандар, көпбалалы отбасылардың балалары, сондай-ақ халықаралық, республикалық олимпиадалардың жүлдегерлері қатысты. 

 «Көрме» орталығындағы жаңа жылдық бағдарламада ертегі кейіпкерлері мен өнерпаздар қонақтарға әсерлі көңіл-күй сыйлады. Қала әкімі Ғабит Сыздықбеков ҚР Президентінің атынан балаларды Жаңа жыл мерекесімен құттықтап, ізгі лебізін білдірді. 

Жаңа жылдық мерекеге шаһардың 300-ге жуық мектеп оқушысы қатысты.  

 Іс-шара барысында қонақтарға қаламыздың белгілі қоғам қайраткерлерінің бейне құттықтаулары ұсынылды. Жаңа жыл қарсаңындағы керемет кеш «Шырша жыры» әнімен шырқалып, көпшіліктің қатысуымен сазды ойындарға ұласты.

Жаңа жылдың басты кейіпкерлері – Аяз Ата, Ақшақар, Жаңа жыл – Жылан ортаға шығып, бүлдіршіндерді  айтулы мерекемен құттықтап, жылы лебіздерін білдірді. Шырша соңында оқушылар сыйлықтарын алып, мәз-мейрам болып тарқасты.

Атаулы шараға, №67 негізгі  орта  білім беретін мектебінің  үздік 1 оқушысы қатысты.