“КИБЕРБУЛЛИНГ -ЖАҢА ЗАМАННЫҢ ЗАЛАЛЫ”

№ 67 негізгі орта мектебінің педагог - психологі Р.Сагиндикованың  ұйымдастыруымен   “Кибербулинг-жаңа заманның залалы” тақырыбында  ашық сынып сағаттар шеруі басталды. Сынып сағаты барысында оқушыларға “Кибербуллинг дегеніміз не?”, “Кибербулингтен сақтану жолдары?” деген сұрақтар кең көлемде талқыланды. 

Егер де:

- саған зұлым, ренішті хабарламалар, смс немесе электронды хаттар (email) жазса;

- сені қорлайтын бейнероликтер, суреттер, өсек немесе жалған сөздер таратса;

- әлеуметтік желілерде сенің атыңнан жалған аккаунттар құрып, онда ерсi фотосуреттерді орналастырса;

- сені ренжіту үшін әлеуметтік желілерде достар тобынан әдейі шығарып тастаса;

- саған әдепсіз сөздер жазылған немесе қоқан-лоқы түрдегі хабарламалар жіберсе;

- жеке басыңа қатысты ақпаратты басқаларға жайса;

- сені ренжіту не қорлау мақсатында жеке фотосуреттеріңді басқаларға рұқсатсыз жіберсе, онда сен кибербуллинге тап болдың. Осындай келеңсіз жағдайға кез келген оқушы тап болуы мүмкін екенін ескертіп, алдын алу үшін психологиялық тренингтер өткізілді.