29
апрель
2021
"Әріптеске құрмет"
"Әріптеске құрмет" жобасы аясында №67 негізгі орта мектебінің зейнеткер ұстаз Тұрсынбаева Роза Бертайқызына тоқталмақпыз.
"Ұстазға құрмет" жобасы қаншама ұстаздарымыздың шын мәнінде де ерекше құрметке лайық екендігін байқалуда. Шындығында, мұғалім болу оңай болып көрінгенімен, нағыз ұстаз болу екінің бірінің қолынан келе бермейді.
Шымкент қаласы № 67 негізгі орта мектебінің зейнеткер ұстазы Роза Бертайқызы 1957 жылы 22 сәуірде дүние есігін ашты. 1964 жылдың 1-қыркүйегінде № 153 "Тартоғай" орта мектебінің табалдырығын аттап, 1974жылы өзі оқыған алтын ұя-білім ордасын үздік бітіріп шықты. Қызылорда қаласындағы Н. В. Гоголь атындағы педагогикалық институтына оқуға түсті. 1978 жылы жоғары оқу орнын педагог мамандығы бойынша аяқтап шықты.
Қазіргі таңға дейін үзіліссіз ұстаздық қызметінің арқасында шәкірттері еліміздің түкпір-түкпірінде әртүрлі мамандық иелері атанып, жемісті еңбегімен танылуда.
"Ұстаздық-ұлық емес, ұлы қызмет"-деп Бауыржан Момышұлы атамыз айтқандай, ұстаздық жолында 41 жыл қызмет етіп, музыка пәнінің мұғалімі Роза Бертайқызы Республикалық, халықаралық марапаттардың иегері, мыңдаған шәкірт тәрбиелеп, ата-ананың алғысына бөленген.
Өмірде аяулы жар, ардақты ана, асыл әже Роза апайымызға қажымас қайрат, отбасына амандық, бейнетінің зейнетін көруді тілейміз!
