19
ноябрь
2024
«ҰЛЫ ҚОЛБАСШЫ ЖОШЫ ХАНҒА - 800 ЖЫЛ» ДӨҢГЕЛЕК ҮСТЕЛІ
№67 негізгі орта білім беретін мектеп кітапханасында тарих пәнінің мұғалімі Жайнибекова К. мен кітапхана меңгерушісі А.Кенжебекованың ұйымдастыруымен «Ұлы қолбасшы Жошы ханға - 800 жыл» тақырыбында 9 сынып оқушыларының қатысуымен дөңгелек үстел өтті.
Ажимуратова М. мұғалім Жошы ханның қазақ тарихында алатын орны мен сіңірген еңбегіне тоқталды. Оқушылар 1187-1227 жылдары өмір сүрген Жошы ханның өмірге келуімен атқарған қызметін сөз етіп, оның жасаған жорықтарына, ұрпақтарына және Жошы ханның мезгілсіз өлімі туралы ғалымдардың айтқан дәлелдеріне сүйеніп өз пікірлерін білдірді.
Ұлық ұлыс – Жошы ұлысы. Мемлекет басшысының шешімімен 2024 жыл «Жошы ұлысының 800 жылдығын республика деңгейінде кең көлемде атап өту» жылы болып жарияланды.
Қара шаңырағы алғаш қазақ даласында көтерілген Жошы ұлысы Европа мен Азияны жалғап жатқан ұлы дала тарихындағы өте сирек құбылыс. Бұл адамзат тарихындағы ұзақ уақыт сақталған державалардың бірі. Жошы ұлысы державасы- 260 жыл салтанат құрды.
Жошының қазақ тарихынан алатын орны сіңірген еңбегімен өлшенеді. Шыңғыс ханның Еуразияны бағындыруында Жошының және оның ұрпақтарының атқарған істері қазақ ұлтының қалыптасуы мен қазақ хандығының құрылуына белсенді рөл атқарғаны белгілі.
# БІРТҰТАС_ТӘРБИЕ
https://www.facebook.com/100041259901992/videos/591099830107900/