14
январь
2025
«БІЗ-СЫБАЙЛАС ЖЕМҚОРЛЫҚҚА ҚАРСЫМЫЗ!» ТАҚЫРЫБЫМЕН СЫНЫП САҒАТТАРЫ
Шымкент қалалсы білім басқармасына қарасты №67 негізгі орта білім беретін мектебінде 2025 жылғы 13 қазан күні «Біртұтас тәрбие» бағдарламасының «Еңбегі адал жас өрен» жобасы аясында шәкірттерімізге рухани адамгершілік және азаматтық-патриоттық тәрбие беру, олардың бойында сыбайлас жемқорлыққа қарсы мәдениетті қалыптастыру және сыбайлас жемқорлыққа мүлдем төзбеушілікті көрсететін құндылықтар жүйесін сақтау және нығайту, оқушылардың заң талаптарын сақтауға ынтасын қалыптастыру мақсатында «Біз-сыбайлас жемқорлыққа қарсымыз!» тақырыбымен сынып сағаттары өткізілді.
Адал ұрпақ тәрбиелеу-қай уақытта болса да өз маңыздылығын жоғалтпаған мәселе.
Халқының мүддесін өз мүддесінен артық қоятын, адалдық, бауырмалдық, адамгершілік сынды асыл қасиеттерді бойына жинай білген тәрбиелі ұрпақ тәрбиелеу-барлығымыздың борышымыз. Болашақ ұрпағымызға тек тәрбие мен білім берумен шектеліп қана қоймай, адал еңбекқорлыққа да үйретуіміз керек. Адал еңбекқорлық-еліне адал қызмет ету және сыбайластық іс – әрекеттерден аулақ болудан тұрады. Өскелең ұрпақ сыбайлас жемқорлықтан аулақ болу үшін мектеп қабырғасынан бастап тәрбиені осы бағытта беру маңызды.
